فيديو| أسامة كمال: مليونان و800 ألف قضية ضد الحكومة خلال 2016

فيديو| أسامة كمال: مليونان و800 ألف قضية ضد الحكومة خلال 2016

أسامة كمال

قال الإعلامى أسامة كمال: "إمبارح قلت اللى بيعمله الرئيس السيسى غير مسبوق فى مصر، ولم يجرؤ عليه رئيس من قبل فى مصر، وجرأة الرئيس محل تقديرى الشخصى، ووطنيته محل تقدير المصريين وزى ما الحكومة بتاخد حقها من الصغير برضه تاخد حقها من الكبير".

وأضاف كمال خلال برنامج "مساء dmc" عبر فضائية "dmc"، مساء الخميس، قائلا: "موضوع الحكومة تدى الناس حقها يا ريس محتاج شجاعة أكبر، وآخر إحصائية منشورة عن هيئة قضايا الدولة بتقول الدولة مشتبكة مع معظم الناس، فهيئة قضايا الدولة عام 2016 كانت بتدافع عن رئيس الوزراء، والوزراء والهيئات الحكومية قدام المحاكم فى 2 مليون و800 ألف قضية، و3 ملايين أسرة تقريبا مشتبكين مع الحكومة فى قضايا بعضها لهم حق فيها، وبعضها التانى مالهمش حق ومعظمها فمجلس الدولة اللى تفرغ لمشاكله".

وتابع كمال: "الحكومة الحقانية ما تعطلش مصالح الناس، زى ما الناس سلمت فى كتير من الأماكن الحكومة حقها فى الأراضى ومحدش قال (بم)، صدقونى هتكون نقلة كبيرة فى مصر لما الحكومة تطلع علينا وتقول هنرد لكل واحد حقه، اللى له تعويض ياخد مش مهم تاريخ السداد، هتكون نقلة كبيرة لما حد يموت له مريض بخطأ طبى فياخد حقه، لما حد يتنصب عليه فيرجع له حقه، وما يبقاش شعار الحكومة القانون لا يحمى المغفلين".